សួស្ដី!
តើអ្នកធ្លាប់ស្គាល់ប៉េងប៉ោះស្រោមដែរឬទេ? ប៉េងប៉ោះស្រោម គឺជាប្រភេទរុក្ខជាតិមួយប្រភេទដែលភាគច្រើនមានដុះនៅតាមស្រុកស្រែចម្ការ
នៅជុំវិញលំនៅស្ថានយើងក៏មានដែរព្រោះរុក្ខជាតិមួយប្រភេទងាយស៊ាំនឹងដីដែលមានសំណើមតែមិនសូវរើសប្រភេទដីដុះនោះទេ។
កាលពីខ្ញុំនៅវ័យក្មេងខ្ញុំចូលចិត្តបេះផ្លែទុំរបស់វាញ៉ាំណាស់។
ពីមុនខ្ញុំគ្រាន់តែគិតថាវាផ្លែរុក្ខជាតិព្រៃសម្រាប់ក្មេងៗញ៉ាំលេងប៉ុណ្ណោះ
តែឥឡូវតាមរយៈអត្ថបទស្រាវជ្រាវជាច្រើនបានបង្ហាញថា
រុក្ខជាតិនេះមានអត្ថប្រយោជន៍យ៉ាងច្រើនដល់សុខភាពរបស់មនុស្សយើង
ដែលយើងនឹកស្មានមិនដល់។
១.
លក្ខណៈរុក្ខជាតិ៖ ជាប្រភេទរុក្ខជាតិស្មៅ មានកម្ពស់ពី ០.៥ម៉ែត្រ ទៅ ១ ម៉ែត្រ ដើមមានរាងជាទ្រនុង
បែកមែកសាខា មានស្លឹករាងពងក្រពើស្រួចចុង ស្រដៀងនឹងស្លឹកពោធិ៍ ពណ៌បៃតងខ្ចី
នៅគែមស្លឹកមានរាងជាធ្មេញរណារ ដុះឆ្លាស់ទង។ ប៉េងប៉ោះស្រោមមានផ្កាពណ៌លឿងខ្ចី មានត្របក
៥ ផ្លែមានរាងមូល មានស្រោមខ្យល់រុំពីក្រៅ ។
២.
គុណសម្បត្តិ៖
ប៉េងប៉ោះស្រោមជាប្រភេទរុក្ខជាតិដែលសម្បូរទៅដោយសារធាតុប្រឆាំងទៅនឹងការរលាក
និងអាចព្យាបាលជម្ងឺលើសឈាម ទឹកនោមផ្អែម ព្យាបាលថ្លើម ទប់ស្កាត់ជម្ងឺមហារីក និងគ្រប់គ្រងជាតិស្ករនៅក្នុងគ្រាប់ឈាម
ឈឺបំពង់ក,
ផ្តាសាយ, ក្អកមាន់, បញ្ចុះទឹកនោម,
ស្បូនស្រុត, បឺតបូស។ នៅក្នុងផ្លែប៉េងប៉ោះស្រោមមានសារធាតុរ៉ែ
ដែលផ្ទុកទៅដោយវីតាមីន A, B1, B2, B3, C, E និង K1។
៣.
ការប្រើប្រាស់៖
ប៉េងប៉ោះស្រោមមានរសជាតិផ្អែម
ល្វីង ងាយស្រួលក្នុងការបរិភោគ។
ប៉េងប៉ោះស្រោម ជាប្រភេទឱសថបែបធម្មជាតិ យើងអាចយកមកប្រើប្រាស់ជាឱសថបាន
ដោយគ្រាន់តែដកដើមរុក្ខជាតិនេះយកមកលាងទឹកឲ្យស្អាត ហើយហាលឲ្យស្ងួត
បន្ទាប់មកយើងយកទៅដាក់ដាំទឹកឲ្យពុះ រំងាស់ សម្រាប់ពិសាពី ១០ ទៅ ១៥ក្រាម ក្នុងមួយថ្ងៃ បន្ទាប់មកទៀតចាក់ទុកឲ្យនៅក្តៅល្មម
អាចញ៉ាំកើត រឺ ផ្លុំញ៉ាំទាំងក្តៅតែម្តង
ធ្វើឲ្យយើងបែកញើសឆាប់ជាពីជំងឺ។
No comments:
Post a Comment