ឈប់សិន! កុំបោះចោលគ្រាប់ស្វាយទុំ ព្រោះវាមានប្រយោជន៍ជាច្រើន ដែលលោកអ្នកនឹកស្មានមិនដល់

ដូចដែលលោកអ្នកបានដឹងស្រាប់ហើយថាស្វាយគឺជាស្តេចផ្លែឈើ ហើយមនុស្សជាច្រើនចូលចិត្តវាខ្លាំងណាស់។ នៅក្នុង Ayurveda, គ្រប់ផ្នែករបស់ស្វាយមិនថាដើម​ ផ្លែ​ ស្លឹក​ ផ្កា រឺគ្រាប់ទេ គឺសុទ្ធតែមានប្រយោជន៍ទាំងអស់។ អ្នកប្រហែលជាចូលចិត្តរសជាតិរបស់វាហើយ ជាពិសេសស្វាយទុំ ហើយវាមានប្រយោជន៍ខ្លាំងណាស់។ តើអ្នកធ្លាប់លឺទេថាគ្រាប់របស់វាក៏មានប្រយោជន៍ដែរ? គ្រាប់ស្វាយអាចយកជាម្សៅ ប្រេង រឺទំរង់ជាប៊ឺ។ ខាងក្រោមនេះជាអត្ថប្រយោជន៍ដ៏កំពូលរបស់គ្រាប់ស្វាយ៖

១. ធ្មេញ
ម្សៅសំអាតធ្មេញអាចធ្វើឡើងពីគ្រាប់ស្វាយ។ ចាក់ម្សៅបន្តិចដាក់លើបាតដៃ ផ្សើមច្រាសដុសធ្មេញរបស់អ្នក បន្ទាប់មកជ្រលក់ម្សៅគ្រាប់ស្វាយបន្តិច ហើយដុសធ្មេញរបស់អ្នក។ ម្សៅនេះនឹងជួយរក្សាធ្មេញរបស់អ្នកអោយមានសុខភាពល្អ។

២. ធាត់លើសទំងន់
គ្រាប់ស្វាយចំរាញ់អាចជួយអ្នកដែលដុះក្បាលពោះ ស្រកទម្ងន់ដែលលើសរបស់ពួកគេ​ បញ្ចុះកូឡេស្តេរ៉ូល និង ពង្រឹងចលនាឈាម។

៣. សុខភាពសក់
ប្រេងគ្រាប់ស្វាយគឺជាប្រភពដ៏ល្អនៃ ​fatty acid ដ៏ចាំបាច់ រ៉ែ និង វីតាមីន។ អ្នកអាចចំរាញ់ប្រេងនេះនៅផ្ទះដោយខ្លួនឯងបាន។
វិធីធ្វើ៖
– យកសំបករឹងៗខាងក្រៅចេញដាក់ក្នុងដបកែវមានគំរប
– ចាក់ប្រេងដូង រឺប្រេងអូលីវចូល
– ដាក់ល្បាយនេះក្រោមពន្លឺរយៈពេលមួយសប្តាហ៍។
ប្រើល្បាយនេះអោយបានទៀងទាត់ដើម្បីបញ្ចៀសការជ្រុះសក់ រឺសក់ស្កូវ។ វាក៏នឹងជួយអោយសក់របស់អ្នកដុះឡើងវិញ និងដុះមកក្រាសផងដែរ។

៤. ស្បែក
ប្រេងគ្រាប់ស្វាយគឺសំណើមដ៏អស្ចារ្យ។ ជាតិប្រេងដែលមាននៅក្នុងគ្រាប់ស្វាយត្រូវបានគេប្រើប្រាស់ក្នុងឡេជាច្រើន ដើម្បីចិញ្ចឹម និង សំណើមស្បែករបស់អ្នក។

៥. ទឹកនោមផ្អែម
គ្រាប់ស្វាយគឺផ្តល់លទ្ធផលដ៏អស្ចារ្យក្នុងការបញ្ជុះកម្រិតជាតិស្ករ។ វាបានផ្លាស់ប្តូរអង់ហ្ស៊ីមនៃពោះវៀន និងថ្លើមដើម្បីកាត់បន្ថយការស្រូបយកជាតិស្ករ។ វាក៏ជួយកាត់បន្ថយខ្លាញ់ក្នុងរាងកាយ ទំងន់ និង រង្វង់ចង្កេះផងដែរ។

៦. មុន
អ្នកអាចយកគ្រាប់ស្វាយធ្វើជា scrub ប្រឆាំងនឹងមុនបាន។ កិនគ្រាប់ស្វាយ ហើយលាយជាមួយប៉េងប៉ោះ។ លាបវាទៅលើមុខអោយសព្វ។ scrub នេះមានប្រយោជន៍ក្នុងការ exfoliate ស្បែក​ ព្យាបាលមុនក្បាលខ្មៅ ការកើតមុន មុន និង ស្នាមប្រឡាក់ខ្មៅនៅលើស្បែក សម្អាតរន្ធញើស និង កាត់បន្ថយការកន្ទួលក្រហម។ អ្នកអាចប្រើ scrub នេះជារៀងរាល់ថ្ងៃបាន៕

ប្រភព៖bektleay