ក្រុមការងារពិសេសដើម្បីដោះស្រាយការប៉ះទង្គិចគ្នារវាងពលរដ្ឋខ្មែរនិងវៀតណាមដែលបានកើតឡើងកាលពីថ្ងៃទី២៨មិថុនានៅព្រំដែនខេត្តស្វាយរៀងនឹងចុះទៅកាន់ខេត្តនេះនៅថ្ងៃទី ១៦ កក្កដាខាងមុខ ដើម្បីសិក្សាស្រាវជ្រាវលម្អិតពីបញ្ហានេះ។ នេះបើតាមលោកស្រី កុយ ពិសី អនុប្រធានគណៈកម្មការកិច្ចការចម្រុះព្រំដែនកម្ពុជា ដែលបានបញ្ជាក់ប្រាប់វិទ្យុបារាំងអន្តរជាតិនៅរសៀលថ្ងៃសៅរ៍នេះ។
បើគ្មានអ្វីប្រែប្រួលនោះទេ គឺនៅថ្ងៃទី១៦ កក្កដា សប្តាហ៍ក្រោយនេះ ក្រុមការងារពិសេសដែលក្រសួងការបរទេសកម្ពុជា បានបង្កើតឡើងតាមសំណើរបស់ភាគីវៀតណាមនឹងចុះទៅកាន់ចំណុចព្រំដែននៅក្នុងខេត្តស្វាយរៀង។ ការចុះទៅនេះ គឺដើម្បីសិក្សា ស្រាវជ្រាវជាក់ស្តែងជុំវិញការប៉ះទង្គិះគ្នាមួយរវាងប្រជាពលកម្ពុជា និងវៀតណាមនៅទីនោះ។
ក្រុមការងារពិសេសនេះ ត្រូវបានក្រសួងការបរទេសកម្ពុជា បានប្រកាសបង្កើតឡើងតាំងពីថ្ងៃទី២ ដើមខែកក្កដាមកម្លេះ។ ប៉ុន្តែមកដល់ពេលនេះ សមាសភាពនៃក្រុមការងារពិសេសមិនទាន់ត្រូវបានគេបង្ហាញឲ្យដឹងជាផ្លូវការនៅឡើយទេ។ យ៉ាងណាក៏ដោយ លោកស្រី កុយ ពិសី អនុប្រធានគណៈកម្មការកិច្ចការចម្រុះព្រំដែនកម្ពុជា បាន បញ្ជាក់ថា អនុប្រធានគណៈកម្មការកិច្ចការព្រំដែននៃប្រទេសទាំងពីរ នឹងធ្វើជាប្រធានដឹកនាំក្រុមការងារពិសេសនេះ។
សូមរំលឹកជូនថា កាលពីថ្ងៃទី២៨ ខែមិថុនាកន្លងទៅ មានការប៉ះទង្គិចគ្នាមួយប្រាវបានកើតឡើង រវាងប្រជាពលរដ្ឋកម្ពុជា និងវៀតណាម ត្រង់ចំណុចភូមិគោកធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។ ការប៉ះទង្គិចគ្នា បានកើតឡើងក្នុងពេលដែលប្រជាពលរដ្ឋខ្មែរដឹកនាំដោយក្រុមតំណាងរាស្ត្រគណបក្សសង្គ្រោះជាតិ និងព្រះសង្ឃផង បានចុះទៅពិនិត្យបង្គោលព្រំដែនលេខ២០៣ ដែលមានការស្ថាបនាផ្លូវមួយខ្សែ ដែលប្រជាពលរដ្ឋអះអាងថា បានរំលោភចូលដីកម្ពុជា។ ប៉ុន្តែដំណើរចុះទៅនេះ ត្រូវបានរារាំងដោយកងទាហាន និង ពលរដ្ឋវៀតណាមដែលប្រដាប់ដោយកាំភ្លើងនិង ដំបង។ ក្នុងហេតុការណ៍នោះ ភាគីកម្ពុជា១០នាក់ក្នុងនោះរួមមានអ្នកតំណាងរាស្ត្រម្នាក់ផងបាន រងរបួស ចំណែកឯភាគីវៀតណាមបានរងរបួស៨នាក់។
បន្ទាប់ពីកើតឧប្បត្តិហេតុនេះ គណៈកម្មការកិច្ចការព្រំដែនកម្ពុជា និង វៀតណាម បានបើកកិច្ចប្រជុំរយៈពេលបីថ្ងៃនៅក្នុងទីក្រុងភ្នំពេញ។ ក៏ប៉ុន្តែការប៉ះទង្គិះគ្នានោះ មិនត្រូវបានដោះស្រាយនៅក្នុងកិច្ចប្រជុំនោះឡើយ។ យ៉ាងណាក៏ដោយ វៀតណាមបានប្រាប់ភាគីកម្ពុជា ថា ការសាងសង់ផ្លូវនៅក្នុងស្រុកកំពង់រោរិ៍ និងស្រុកចន្ទ្រាក្នុងខេត្តស្វាយរៀង ត្រូវបានបញ្ជាឲ្យផ្អាកកាសាងសង់ហើយ។ រីឯការសាងសង់ប៉ុស្តិ៍យោធានៅក្នុងស្រុកកោះធំ ខេត្តកណ្តាល ក៏ត្រូវបានវៀតណាមបញ្ជាក់ថា បានផ្អាកការសងសង់ដូចគ្នាផងដែរ។ ចំណែក ការជីកស្រះនៅក្នុងខេត្តរតនៈគិរីវិញ វៀតណាមបានសន្យាថានឹងលុបវិញចំនួន៣ រីឫស្រះចំនួន៥ទៀត ក្រុមបច្ចេកទេសចម្រុះនៃគណៈកម្មការព្រំដែនទាំងពីរនឹងចុះទៅពិនិត្យមើលជាក់ស្តែង ប៉ុន្តែក្នុងនោះវៀតណាមបានបញ្ជាក់ថា ស្រះចំនួនពីរ ជាស្រះចាស់យូរមកហើយ៕
សូមរំលឹកជូនថា កាលពីថ្ងៃទី២៨ ខែមិថុនាកន្លងទៅ មានការប៉ះទង្គិចគ្នាមួយប្រាវបានកើតឡើង រវាងប្រជាពលរដ្ឋកម្ពុជា និងវៀតណាម ត្រង់ចំណុចភូមិគោកធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។ ការប៉ះទង្គិចគ្នា បានកើតឡើងក្នុងពេលដែលប្រជាពលរដ្ឋខ្មែរដឹកនាំដោយក្រុមតំណាងរាស្ត្រគណបក្សសង្គ្រោះជាតិ និងព្រះសង្ឃផង បានចុះទៅពិនិត្យបង្គោលព្រំដែនលេខ២០៣ ដែលមានការស្ថាបនាផ្លូវមួយខ្សែ ដែលប្រជាពលរដ្ឋអះអាងថា បានរំលោភចូលដីកម្ពុជា។ ប៉ុន្តែដំណើរចុះទៅនេះ ត្រូវបានរារាំងដោយកងទាហាន និង ពលរដ្ឋវៀតណាមដែលប្រដាប់ដោយកាំភ្លើងនិង ដំបង។ ក្នុងហេតុការណ៍នោះ ភាគីកម្ពុជា១០នាក់ក្នុងនោះរួមមានអ្នកតំណាងរាស្ត្រម្នាក់ផងបាន រងរបួស ចំណែកឯភាគីវៀតណាមបានរងរបួស៨នាក់។
បន្ទាប់ពីកើតឧប្បត្តិហេតុនេះ គណៈកម្មការកិច្ចការព្រំដែនកម្ពុជា និង វៀតណាម បានបើកកិច្ចប្រជុំរយៈពេលបីថ្ងៃនៅក្នុងទីក្រុងភ្នំពេញ។ ក៏ប៉ុន្តែការប៉ះទង្គិះគ្នានោះ មិនត្រូវបានដោះស្រាយនៅក្នុងកិច្ចប្រជុំនោះឡើយ។ យ៉ាងណាក៏ដោយ វៀតណាមបានប្រាប់ភាគីកម្ពុជា ថា ការសាងសង់ផ្លូវនៅក្នុងស្រុកកំពង់រោរិ៍ និងស្រុកចន្ទ្រាក្នុងខេត្តស្វាយរៀង ត្រូវបានបញ្ជាឲ្យផ្អាកកាសាងសង់ហើយ។ រីឯការសាងសង់ប៉ុស្តិ៍យោធានៅក្នុងស្រុកកោះធំ ខេត្តកណ្តាល ក៏ត្រូវបានវៀតណាមបញ្ជាក់ថា បានផ្អាកការសងសង់ដូចគ្នាផងដែរ។ ចំណែក ការជីកស្រះនៅក្នុងខេត្តរតនៈគិរីវិញ វៀតណាមបានសន្យាថានឹងលុបវិញចំនួន៣ រីឫស្រះចំនួន៥ទៀត ក្រុមបច្ចេកទេសចម្រុះនៃគណៈកម្មការព្រំដែនទាំងពីរនឹងចុះទៅពិនិត្យមើលជាក់ស្តែង ប៉ុន្តែក្នុងនោះវៀតណាមបានបញ្ជាក់ថា ស្រះចំនួនពីរ ជាស្រះចាស់យូរមកហើយ៕
ប្រភពពីៈ វិទ្យុបារាំង rfi
No comments:
Post a Comment