ដូចការគ្រោងទុក នៅព្រឹកថ្ងៃចន្ទនេះ ក្រុមអ្នកតំណាងរាស្ត្រគណបក្សសង្គ្រោះជាតិ បានចុះទៅដល់ព្រំដែនខេត្តរតនគិរី ដើម្បីពិនិត្យមើលស្រះទឹកចំនួន៥ ដែលត្រូវបានវៀតណាមជីករួចរាល់នៅតំបន់ហាមឃាត់។ នៅក្នុងអំឡុងពេលចុះពិនិត្យស្រះទឹកទាំងនោះ មានការប្រទូសរ៉ាយរុញច្រាន និងការប៉ះទង្គិចដោយពាក្យសម្ដី ចំនួន២លើកកើតឡើង ប៉ុន្តែមិនបានធ្វើឲ្យមានអ្នករងរបួសនោះឡើយ។
កងកម្លាំងទាហានវៀតណាម ដែលមានប្រដាប់ដោយដំបងឆក់និងកាំភ្លើងផង បានប្រើកម្លាំងរុញច្រានក្រុមអ្នកតំណាងរាស្ត្រ និងប្រជាពលរដ្ឋដែលចុះទៅពិនិត្យមើលស្រះទឹក ដែលប្រជាពលរដ្ឋរាយការណ៍ថា វៀតណាមបានលួចជីកនៅក្នុងទឹកដីខ្មែរ។ នៅក្នុងពេលប៉ះទង្គិច កងកម្លាំងសមត្ថកិច្ចខ្មែរជាង២០នាក់ ដែលអមដំណើរក្រុមអ្នកតំណាងរាស្ត្រនិងប្រជាពលរដ្ឋខ្មែរ បានឈរហ៊ុំព័ទ្ធដើម្បីការពារ និងសម្របសម្រួលជាបន្តបន្ទាប់។ ការប្រទូសរ៉ាយដោយរុញច្រាន និងការប៉ះទង្គិចពាក្យសម្ដីរវាងកងកម្លាំងវៀតណាម និងប្រជាពលរដ្ឋខ្មែរ កើតឡើងសរុបទាំងអស់២ដង ប៉ុន្តែមិនបណ្ដាលឲ្យមានអ្នករងរបួសឡើយ។
គួរជម្រាបជូនថា តាំងពីព្រឹកព្រលឹមថ្ងៃចន្ទ ទី០៨ខែមិថុនានេះ ក្រុមអ្នកតំណាងរាស្ត្រគណបក្សប្រឆាំង និស្សិត និងប្រជាពលរដ្ឋជាង២០០នាក់ បានធ្វើដំណើរទៅព្រំដែនកម្ពុជាវៀតណាម ត្រង់ចំណុចភូមិឡុំ ឃុំប៉ក់ញ៉ៃ ស្រុកអូយ៉ាដាវ ខេត្តរតនគិរី។ ដំណើរទៅព្រំដែនកម្ពុជា-វៀតណាមនេះ ធ្វើឡើងក្នុងគោលដៅពិនិត្យមើលស្រះទឹកចំនួន៥ ដែលប្រជាពលរដ្ឋរាយការណ៍ថា វៀតណាមទើបតែលួចជីកនៅក្នុងទឹកដីខ្មែរ។
លោក ម៉ៅ មុន្នីវណ្ណ តំណាងរាស្ត្រគណបក្សសង្គ្រោះជាតិ ដែលបានដឹកនាំក្រុមអ្នកតំណាងរាស្ត្រនិងប្រជាពលរដ្ឋទៅពិនិត្យស្រះទឹកនោះ បានអះអាងថា មានស្រះទឹកយ៉ាងហោចណាស់ចំនួន៧ ដែលវៀតណាមបានលួចជីកនៅក្នុងតំបន់ស ដែលជាតំបន់ហាមឃាត់។
តំបន់ហាមឃាត់ ដែលភាគីកម្ពុជា-វៀតណាម នៅមិនទាន់បានឯកភាពគ្នាបោះបង្គោលនៅឡើយ ស្រាប់តែអាជ្ញាធរវៀតណាម បានជីកស្រះជាឯកតោភាគី ដើម្បីយកទៅស្រោចស្រពដំណាំម្រេចនិងកៅស៊ូនៅក្បែនោះទៅវិញ។ ក្នុងនោះ បើតាមលោក ម៉ៅ មុន្នីវណ្ណ ស្រះទឹកចំនួន២ជាស្នាមជីកចាស់ ចំណែកស្រះទឹក៥ទៀតទើបតែត្រូវបានវៀតណាមជីកក្នុងពេលថ្មីៗនេះប៉ុណ្ណោះ។
ក្រោយពីបានពិនិត្យមើលស្រះទឹកទាំង៧រួច លោក ម៉ៅ មុន្នីវណ្ណ បានអះអាងថា លោកនឹងធ្វើរបាយការណ៍ជូនទៅប្រធានរដ្ឋសភា និងរដ្ឋាភិបាលកម្ពុជា ឲ្យចាត់វិធានការការទូត ដើម្បីឲ្យភាគីវៀតណាមលុបស្រះទាំងនេះចេញជាបន្ទាន់៕
Tuesday, June 9, 2015
ការប៉ះទង្គិចដោយពាក្យសម្ដី ចំនួន២លើកបានកើតមានឡើងក្នុងខណៈការចុះពិនិត្យមើលសា្ថនភាពការជីកស្រះក្នុងទឹកដីខ្មែររបស់ជនជាតិយួន
Tags
# News
![Author Image]()
About Sakhan Um
Templatesyard is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates which are professionally designed and perfectlly seo optimized to deliver best result for your blog.
Subscribe to:
Post Comments (Atom)
No comments:
Post a Comment