ផលប៉ះពាល់ធ្ងន់ធ្ងរនៅពេលបរិភោគត្រីទីឡាប់យ៉ា

អ្នកប្រហែលជាធ្លាប់បានញ៉ាំត្រីទីឡាបយ៉ាហើយ តែអ្នកមិនបានដឹងនោះទេ ថាវាពិតជាបានប៉ះពាល់ ខ្លាំងណាស់ចំពោះសុខភាពរបស់យើង។ ត្រីនេះវាស៊ី អាហារធម្មជាតិនៅក្នុងបឹង ដូចជាសារាយ ជាដើម ។ តែបើសិនជាគេចិញ្ចឹមនៅកសិដ្ឋានវវាស៊ីគ្រាប់សណ្តែកនិងពោត GMO  ដែលធ្វើអោយវាមានខ្លាញ់នៅក្នុងខ្លួន។

ជាក់ស្តែងខ្លាញ់របស់វានេះគឺមិនបានផ្តល់ផល់អាក្រក់មកដល់សុខភាពរបស់យើងនោះទេ តែហេតុអ្វីបានជាអ្នកជំនាញបានហាមប្រាមមិនអោយបរិភោគវាទៅវិញ? ពិតណាស់វាគឺមានមូលហេតុដ៏សំខាន់ដែលអ្នកគួរតែជៀសវាងដូចខាងក្រោម៖

១). ការរលាក

យោងតាមការសិក្សាថ្មីៗមួយចំនួនបានរកឃើញថា ការបរិភោគ ត្រីទីឡាបយ៉ា ដែលចិញ្ចឹមនៅក្នុងកសិដ្ឋានបង្កាត់ពូជអាចបង្កឱ្យមានការរលាក ហើយនិងកើតមាននូវជម្ងឺមួយចំនួនទៀតដែលមានដូចជា ជំងឺហឺត, ជំងឺបេះដូងនិងជំងឺរលាកសន្លាក់ជាដើម។ មនុស្សគ្រប់គ្នាបានគិតថានៅពេលដែលញ៉ាំត្រីនេះពួកគេនឹងកំពុងតែទទួលបានអាស៊ីតខ្លាញ់អូមេហ្គា 3 ដែលមាននៅក្នុងខ្លាញ់ត្រីតែ បែរជាវាបានធ្វើអោយពួកគេប្រឈមមុខទៅនឹងការរលាក ហើយនិងជម្ងឺមួយចំនួនដូចខាងលើដោយមិនបានដឹងខ្លួនទៅវិញ។

២). ជម្ងឺមហារីក
ត្រីដែលគេចិញ្ចឹមអាចធ្វើអោយអ្នកដែលញ៉ាំវាទទួលរងនូវជម្ងឺមហារីកច្រើនជាង ១០ ដង បើធៀបជាមួយនឹងត្រីធម្មជាតិ។ ចំណែកឯចំណីរបស់វាវិញនឹងធ្វើអោយអ្នកភ្ញាក់ផ្អើលមិនខានឡើយ គឺជារឿយៗគេយកលាមក សត្វ មាន់ សត្វជ្រូក ហើយនិងសត្វទា មកអោយវាស៊ី។

៣). មានជាតិពុល

ដោយសារតែគេចិញ្ចឹមជាកសិដ្ឋានគឺមានត្រីជាច្រើនក្បាលដែលវាងាយរងនឹងជម្ងឺផ្សេងៗ ដូចនេះគេបានបាញ់ថ្នាំសម្លាប់មេរោគហើយនិងសត្វល្អិត ចូលក្នុងស្រះ ហើយនៅពេលដែលថ្នាំគីមីទាំងអស់នោះវាបានសាយផាយពេញផ្ទៃទឹកនោះ គឺពិតណាស់វានឹងប៉ះពាល់ទៅដល់សត្វត្រីនោះមិនខាន ហើយវាក៏ប៉ះពាល់ផងដែរចំពោះអ្នកដែលបរិភោគវា។

ប្រែសម្រួលពី៖ justhealthylifestyle