ការបង្រៀនចំណោទនៃការចែកលេខ ៤ ខ្ទង់ និង ១ ខ្ទង់ គ្មានសំណល់

ការបង្រៀនចំណោទនៃការចែកលេខ ៤ ខ្ទង់ និង ១ ខ្ទង់ គ្មានសំណល់

 ១. វត្ថុបំណង

            K. សិស្សមានសមត្ថភាពចែកលេខ ៤ ខ្ទង់ និង ១ ខ្ទង់ គ្មានសំណល់ បានត្រឹមត្រូវតាមរយៈការណែនាំរបស់គ្រូ។

            S. សិស្សចែកលេខ ៤ខ្ទង់ និង ១ខ្ទង់ គ្មានសំណល់បានត្រឹមត្រូវ តាមរយៈការងារក្រុម។

            A.សិស្សមានសមត្ថភាពចែកលេខ ៤ ខ្ទង់ និង ១ ខ្ទង់ បានត្រឹមត្រូវ នៅក្នុងជីវភាពជាក់ស្ដែង។

២. សម្ភារៈ

             បណ្ណលេខ បណ្ណប្រមាណវិធី

៣. លំនាំនៃការបង្រៀន

 -គ្រូឲ្យសិស្សអានខ្លឹមសារចំណោទ នៅក្នុងសៀវភៅសិក្សាគោល ថ្នាក់ទី ៤ ទំព័រ ៦១

 -គ្រូហៅសិស្សម្នាក់មកក្ដារខៀន ដើម្បីយកបណ្ណលេខ រៀបជាល្បះលេខ តាមខ្លឹមសារចំណោទដែលបានអាន

 -គ្រូអានខ្លឹមសារចំណោទ នៅក្នុងសៀវភៅសិក្សាគោល ថ្នាក់ទី ៤ ទំព័រ ៦១

 -ឲ្យសិស្សបិទបណ្ណលេខ បង្កើតជាល្បះលេខ តាមខ្លឹមសារចំណោទ

-គ្រូកែលម្អការរៀបល្បះលេខ
- គ្រូណែនាំឲ្យសិស្សអនុវត្តការគណនា លើក្ដារឆ្នួន (ចម្លើយ ១ ៤៣៣)

គ្រូផ្ទៀងផ្ទាត់និងសំយោគ

-គ្រូពន្យល់ពីរបៀបចែកលេខ

-គ្រូពន្យល់ និង ណែនាំសិស្សឲ្យបង្កើតបញ្ញត្តិ

បញ្ញត្តិ

       ការចែកលេខ ៤ ខ្ទង់ និង ១ខ្ទង់ គ្មានសំណល់ យើងត្រូវចែកលេខ បន្តបន្ទាប់ ដោយចាប់ផ្ដើមពី ខ្ទង់ធំបំផុត។

-គ្រូដាក់លំហាត់ឲ្យសិស្សធ្វើតាមក្រុម
-ពិនិត្យ តាមដាន កែលម្អ និង សំយោគ នៅក្ដារខៀន

កិច្ចការផ្ទះ

-គណនាផលចែក ៤២១២ ៖ ២ =................               ៥២៦៤ ៖ ៤ =................