ខួរក្បាលគឺជាសរីរាង្គមួយដ៏សំខាន់មួយ ដែលជាមជ្ឈមណ្ឌលបញ្ជាសកម្មភាពទាំងឡាយរបស់ រាងកាយមនុស្ស។ ជាការពិត បើខួរក្បាលរបស់អ្នកមានភាពក្លៀវក្លា និងមាំមួន អ្នកពិតជាមានសកម្មភាពយ៉ាងល្អប្រសើរជាមិនខាន។
ខាងក្រោមនេះគឺជាគន្លឹះខ្លះៗ ដែលអាចជួយអ្នកឱ្យមានភាពឆ្លាតវៃជាងមុន៖
១. ផ្ដល់ចំណីដល់ខួរក្បាល
ប្រៀបបីដូចជាម៉ាស៊ីនដែរ បើសិនជាមិនមានប្រេងឥន្ធនៈសម្រាប់ដំណើរការទេ ម៉ាស៊ីនរបស់អ្នកមិនអាចដំណើរការបានល្អឡើយ។ ខួរក្បាលក៏ដូច្នេះដែរ បើសិនជាអ្នកមិនបានផ្ដល់ចំណីដ៏ ល្អដល់ខួរក្បាលរបស់អ្នក ខួរក្បាលរបស់អ្នកមិនអាចធ្វើការបានយ៉ាងល្អឡើយ។
២. ទទួលទានដំណេកឱ្យបានស្កប់ស្កល់
គ្មានអ្នកណាម្នាក់ទទួលទានដំណេកបានគ្រប់គ្រាន់ឡើយ។ សូមអ្នកទទួលពន្លឺព្រះអាទិត្យឱ្យ បានច្រើន ហើយបរិភោគជាតិស្ក និងជាតិកាហ្វេអ៊ីនឱ្យបានតិចតួចបំផុត។ លើសពីនេះ ក៏មានកម្មវិធីទូរស័ព្ទខ្លះៗដែលអាចជួយដល់ដំណេករបស់អ្នក ដូចជា Sleep Cycle ដែលអាចត្រួតពិនិត្យ ដំណេករបស់អ្នក និងបង្ហាញអំពីដំណាក់កាលនៃការដេកលង់លក់របស់អ្នក។
៣. អនុវត្តការដឹង (សតិ)
ដើម្បីធ្វើឱ្យខួរក្បាលរបស់អ្នកមានការចងចាំបានល្អ មធ្យោបាយមួយដ៏ល្អបំផុតនោះគឺការអនុវត្តការដឹង (សតិ) ដែលមានន័យថា ការដឹងនូវរឿងរ៉ាវដែលបានកើតឡើងនូវរាល់ខណៈ ក្នុងពេលបច្ចុប្បន្នរបស់អ្នក។
៤. អនុវត្តយោហ្គា
ការអនុវត្តយោហ្គាគឺជាការអនុវត្តលំហាត់ប្រាណ ដែលធ្វើឱ្យរាងកាយរបស់អ្នកមានភាពរឹងមាំយ៉ាងខ្លាំងក្លា។ មិនត្រឹមតែប៉ុណ្ណោះ វាក៏ជួយឱ្យខួរក្បាលរបស់អ្នកមានភាពក្លៀវក្លា និងការចងចាំបានយ៉ាងល្អផងដែរ។
៥. រៀនការកំណត់ល្បឿននៃការអាន
នៅក្នុងសៀវភៅមានចំណេះដឹងច្រើនរាប់មិនអស់ ដូច្នេះអ្នកអាចទទួលបានចំណេះដឹងយ៉ាងច្រើនអំពីសៀវភៅទាំងនោះ។ ប៉ុន្តែវាក៏អាស្រ័យលើល្បឿននៃការអានរបស់អ្នកផងដែរ។ បើសិនជាលោកអ្នកអានបានលឿន ហើយអាចទទួលបានយ៉ាងច្រើនអំពីសៀវភៅនោះ វាមានន័យថាអ្នកមានខួរក្បាលល្អយ៉ាងប្រាកដ។
៦. គ្រប់គ្រងអារម្មណ៍របស់អ្នក
ការហាត់យោហ្គា និងការធ្វើសមាធិគឺជាការគ្រប់គ្រងអារម្មណ៍របស់អ្នកបានយ៉ាងល្អ ព្រោះវាអាចធ្វើឱ្យអ្នកអាចទទួលយកទាំងជ័យជំនះ និងបរាជ័យ។ នេះហើយគឺជាកិច្ចការដែលអ្នកត្រូវធ្វើដើម្បីគ្រប់គ្រងអារម្មណ៍របស់អ្នក។
៧. ប្រើប៊ិចកត់ត្រា
សកម្មភាពផ្លូវកាយ និងសកម្មភាពខួរក្បាលមានទំនាក់ទំនងគ្នាយ៉ាងឆាប់រហ័ស។ ដូច្នេះហើយ បើសិនជាអ្នកធ្វើកំណត់ត្រានូវរាល់ព្រឹត្តិការណ៍ទាំងឡាយ នៅក្នុងសៀវភៅរបស់អ្នក អ្នកនឹងមានលទ្ធភាពចងចាំបានយ៉ាងល្អ។
៨. ស្ដាប់បទចម្រៀង
បទចម្រៀងមានសមត្ថភាពអាចជួយកាត់បន្ថយស្ត្រេស (ភាពតានតឹង) និងការឈឺចាប់ទាំងឡាយ។
៩. ធ្វើអ្វីៗដែលថ្មី
ភាពច្នៃប្រឌិតពេលខ្លះត្រូវសង្គមរិះគន់ថាជាកិច្ចការដ៏ឆ្កួតលីលា។ ប៉ុន្តែសូមអ្នកកុំផ្ដេកផ្ដួលតាម សង្គមរបស់អ្នកអី ព្រោះការបង្កើតរបស់ថ្មីៗ នឹងនាំមកនូវភាពវៃឆ្លាតរបស់អ្នក។
១០. ធ្វើសារឡើងវិញ
អ្វីដែលអ្នកយល់ថាត្រឹមត្រូវអាចនឹងមិនបានសម្រេចទេ នៅពេលដែលអ្នកសាកល្បងនៅលើកទី១នោះ។ ដូច្នេះវាទាមទារឱ្យអ្នកសាកល្បងសារជាថ្មីម្ដងទៀត និងម្ដងទៀតជាច្រើនសារ។
ប្រែសម្រួលដោយ៖ ប៊ុន លាភ
ប្រភព៖ Lifehack
ប្រភព៖ Lifehack
No comments:
Post a Comment