ផែនការដែលល្អ គឺជាផែនការមួយដែលមានបញ្ចូលយុទ្ធសាស្ត្រ ដើម្បីសម្រេចបាននូវគោលដៅអភិវឌ្ឍន៍ និងឆ្លើយតបទៅនឹងសេចក្តីត្រូវការរបស់សហគមន៍មូលដ្ឋាន ហើយមានការទាក់ទាញអ្នកពាក់ព័ន្ធនានា ឲ្យចាប់អារម្មណ៍គាំទ្រជួយកែលម្អស្ថានភាពជីវភាពរស់នៅរបស់ប្រជាពលរដ្ឋនៅក្នុងឃុំ សង្កាត់។ ហេតុនេះនៅពេលកសាងផែនការ គណៈកម្មាធិការកសាងផែនការនិងថវិកា និងអ្នកពាក់ព័ន្ធនានា ត្រូវមានការពិចារណតាមលំដាប់លំដោយ៖
នៅរៀងរាល់ឆ្នាំ ឃុំ
សង្កាត់នីមួយៗមានថវិការបស់ខ្លួន។ ដើម្បីប្រើប្រាស់ថវិកាទាំងនោះប្រកបដោយសារប្រយោជន៍ច្រើន
ក្រុមប្រឹក្សាឃុំ
សង្កាត់គួរពិចារណាទៅលើគំនិតគន្លឹះមួយចំនួនដូចខាងក្រោមនេះ៖
• តើឃុំ សង្កាត់ត្រូវការចាំបាច់ និងជាអាទិភាពអ្វីខ្លះ?
• តើឃុំ សង្កាត់ចង់សម្រេចបានអ្វីខ្លះ នៅអំឡុងពេល ៥
ឆ្នាំខាងមុខ?
• តើឃុំ សង្កាត់ចង់សម្រេចបានអ្វីខ្លះ
ជាមួយនឹងលទ្ធភាពធនធានដែលខ្លួនមាន នៅអំឡុងពេល ៥ ឆ្នាំខាងមុខ?
• តើឃុំ សង្កាត់ចង់ឲ្យវិស័យជំនាញនានាជួយសេវាកម្មអ្វីខ្លះ
ដល់ប្រជាពលរដ្ឋរបស់ខ្លួន?
• តើឃុំ សង្កាត់អាចធ្វើអ្វីខ្លះ ដើម្បីធានាឲ្យការគ្រប់គ្រង
និងអនុវត្តគម្រោងបានល្អប្រសើរ?
• តើប្រជាពលរដ្ឋអាចចូលរួមចំណែកអ្វីខ្លះ
និងយ៉ាងដូចម្តេចដល់គម្រោង?
ផែនការអភិវឌ្ឍន៍ឃុំ
សង្កាត់មានសុពលភាពរយៈពេល ៥ ឆ្នាំ។ នៅពេលកសាងផែនការអភិវឌ្ឍន៍
ក្រុមប្រឹក្សាឃុំ សង្កាត់ត្រូវគិតគូរឲ្យបានគ្រប់ជ្រុងជ្រោយទៅលើយុទ្ធសាស្ត្រសម្រាប់អភិវឌ្ឍន៍ហេដ្ឋារចនាសម្ព័ន្ធរូបវន្ត
(physical infrastructure) និងហេដ្ឋារចនាសម្ព័ន្ធអរូបវន្ត
(non-infrastructure) ដើម្បីឆ្លើយតបទៅនឹងសេចក្តីត្រូវការជាអាទិភាព
ដែលរួមចំណែកដោយផ្ទាល់ដល់ជីវភាពរស់នៅ និងសុខមាលភាពរបស់ប្រជាពលរដ្ឋ។
ប្រការសំខាន់មួយទៀតដែលត្រូវពិចារណា
គឺនិរន្តភាពនៃកិច្ចដំណើរការគម្រោងវិនិយោគនានាដូចជា ថវិកា
កម្លាំងពលកម្មសម្រាប់ដំណើរការនិងថែទាំគម្រោងវិនិយោគទាំងនោះជាដើម។
ឧទាហរណ៍គម្រោងស្ថាបនាផ្លូវថ្នល់ក្នុងភូមិ ឃុំ សង្កាត់ត្រូវពិចារណាថា
តើនរណាថែទាំផ្លូវនេះ? តើត្រូវថែទាំយ៉ាងដូចម្តេច?
តើនរណាត្រូវចេញចំណាយក្នុងការថែទាំនេះ?។
ដោយសារមូលនិធិឃុំ
សង្កាត់អាចដោះស្រាយបាននូវតម្រូវការរបស់ប្រជាពលរដ្ឋតែមួយចំនួនប៉ុណ្ណោះ
ដូចនេះ ឃុំ សង្កាត់គួរផ្ញើផែនការរបស់ខ្លួនទៅបណ្តាមន្ទីរ ឬអង្គភាពជំនាញ
អង្គការ និងដៃគូអភិវឌ្ឍន៍នានាដើម្បីសុំការគាំទ្រ។
ប្រភព៖
– សេចក្តីណែនាំស្តីពីការកសាងផែនការអភិវឌ្ឍន៍ឃុំ
សង្កាត់ និងកម្មវិធីវិនិយោគឃុំ សង្កាត់
– Guideline on C/S Development Plan and C/S Investment Program
No comments:
Post a Comment