ទំនាស់បន្ទាប់បន្សំ
ក. មូលហេតុដែលនាំឲ្យកើតមានអំពើហិង្សាក្នុងគ្រួសារ
-កត្តាសេដ្ឋកិច្ច
-ភាពល្ងង់ខ្លៅ ខ្វះចំណេះដឹង
-សេពគ្រឿងស្រវឹង សេពគ្រឿងញៀន
-ប្រច័ណ្ឌ
-ខ្វះការងារធ្វើ
+ដំណោះស្រាយ
នៅក្នុងប្រទេសកម្ពុជាសព្វថ្ងៃកំពុងជូបនូវបញ្ហាអំពើហិង្សាក្នុងគ្រួសារដែលបានកើតឡើងស្ទើរគ្រប់ទីកន្លែង
មិនថានៅទីក្រុង ឬនៅជនបទនោះឡើយ
ដែលធ្វើឲ្យប៉ះពាល់ដល់សេដ្ឋកិច្ចច្រើនអំពើហិង្សាក្នុងគ្រួសារច្រើនបង្កដោយប្ដី
ប្រពន្ធ ឬកូនក្នុងបន្ទុក។
សកម្មភាពដែលគេចាត់ទុកជាអំពើហិង្សាក្នុងគ្រួសារបានគឺ
ទី១ តាមរយៈផ្លូវកាយ មានដូចជា៖ការវាយដំ ទាត់ធាក់ដែលបង្ករបួសស្នាមដល់រាងកាយ។ ទី២
តាមផ្លូវចិត្ត ដូចជាការជេរប្រមាថមើលងាយ ឬមានសាហាយស្មន់ និងការប្រច័ណ្ឌ។ ទី៣
តាមរយៈផ្លូវភេទ គឺ ការរំលោភ ឬបង្ខំរួមភេទដោយពុំមានការយល់ស្របពីដៃគូ និងទី៤
ផ្នែកសេដ្ឋកិច្ច ដូចជាការកិបកេងលុយកាក់
បំផ្លិចបំផ្លាញរបស់របរផ្សេងៗដែលជាទ្រព្យសម្បត្តិរួម ឬរបស់ប្តីប្រពន្ធ។
ហើយបញ្ហាទាំងនេះបណ្ដាលឲ្យប៉ះពាល់ដូចជា៖
-កត្តាសេដ្ឋកិច្ចៈ
នៅពេលដែលមានអំពើហិង្សាក្នុងគ្រួសារ ប្ដីប្រពន្ធឈ្លោះគ្នា វាយបំបែក
ឬបំផ្លាញរបស់របរផ្សេងៗ រួមមានលុយកាក់ មាសប្រាក់ដែលជាទ្រព្យសម្បត្តិរួម
ឬរបស់ប្ដីប្រពន្ធ មិនត្រឹមតែប៉ុណ្ណោះ ប្ដីអាចយកលុយ ឬរបស់របរយកទៅលក់ ដើម្បីយកលុយ
ទៅផឹកស៊ីសប្បាយ មិនគិតដល់ការរកប្រាក់ផ្គត់ផ្គង់គ្រួសារធ្វើគ្រួសារជួបនូវជីវភាពលំបាក។
-អវិជ្ជាកើតឡើងដោយសារការមិនបានគិតពិចារណា
ឲ្យច្បាស់លាស់ ចូលចិត្តប្រើកម្លាំងមកដោះស្រាយបញ្ហា។
-សេពគ្រឿងស្រវឹងៈ ការផឹកស្រា
ធ្វើឲ្យបាត់បង់សតិក្នុងការគ្រប់គ្រងខ្លួនឯង ធ្វើឲ្យកើតនូវអំពើហិង្សាក្នុងគ្រួសារ
និងធ្វើឲ្យខាតបង់ប្រាក់កាសទៀតដោយបុគ្គលដែលផឹកស្រា
នៅពេលដែលផឹកស្រាអស់ក៏ទៅយកលុយពីគ្រួសារតែនៅពេលដែលគ្រួសារមិនឲ្យធ្វើឲ្យមានការឈ្លោះប្រកែកគ្នា
មានការបំផ្លិចបំផ្លាញទ្រព្យសម្បត្តិ។
-ប្រច័ណ្ឌៈ
ការប្រច័ណ្ឌហួសហេតុជជែកមិនស្គល់ហេតុផលទាំងសងខាង ធ្វើឲ្យកើតនូវអំពើហិង្សា។
-ខ្វះការងារធ្វើៈ
បុគ្គលដែលគ្មានការងារធ្វើ ច្រើនតែមានពេលទំនេរគិតតែផឹកស៊ី លេងល្បែងស៊ីសង
មិនបានជួយការងារក្នុងផ្ទះ ធ្វើឲ្យកើតមានអំពើលួច ឬធ្វើបាបប្រពន្ធកូនទៀត។
-ល្បែងស៊ីសងៈ បុគ្គលដែលលេងល្បែង
នៅពេលចាញ់ក៏ទៅយកប្រាក់ពីប្រពន្ធ ហើយនៅពេលយកមិនបានក៏កើតនូវអំពើហិង្សាក្នុងគ្រួសារ
ដើម្បីដោះស្រាយបញ្ហាអំពើហិង្សាក្នុងគ្រួសារយើងគួរតែមានវិធានការដូចជា
ផ្សព្វផ្សាយអប់រំឲ្យប្រជាពលរដ្ឋយល់ដឹងអំពីបញ្ហានេះ នាំគ្នាទប់ស្កាត់
ហើយនៅពេលដែលអំពើហិង្សាកើតមាន អាជ្ញាធរមានសមត្ថកិច្ច មានកតព្វកិច្ចធ្វើអន្តរាគមន៍
ដើម្បីទប់ស្កាត់ និងការពារជនរងគ្រោះ
ព្រោះអំពើហិង្សាក្នុងគ្រួសារមានផលវិបាកខ្លាំងណាស់ដល់គ្រួសារនោះ ដូចជាអ្នកប្រព្រឹត្តិបទល្មើស
ត្រូវទទួលទោសជាប់គុក ចំណែកប្រពន្ធដែលជាអ្នករងគ្រោះអាចធ្លាក់ខ្លួនឈឺ ឬស្លាប់
នាំឲ្យកូនកំព្រាអនាថា បាត់បង់ការសិក្សា
និងគ្មានទីពឹងដែលជាហេតុធ្វើឲ្យសង្គមគ្មានការរីកចម្រើន។
ដូចនេះយើងទាំងអស់គ្នាមានកតព្វកិច្ចបញ្ឈប់អំពើហិង្សា
ព្រោះអំពើនេះគឺជាការបំផ្លិចបំផ្លាញសង្គម។
ខ.
បញ្ហាដែលកើតមានឡើងនូវល្បែងស៊ីសងគឺ៖
-ការអត់ការងារធ្វើ
-ច្បាប់ធូររលុង
-ការលោភលន់
+ដំណោះស្រាយ
ល្បែងស៊ីសង
ជាបញ្ហាមួយដែលប្រទេសកម្ពុជា កំពុងយកចិត្តទុកដាក់
ព្រោះល្បែងស៊ីសងបង្កគ្រោះថ្នាក់ដល់សង្គមដូចជា៖ ចោរកម្ម អំពើហិង្សាក្នុងគ្រួសារ។ល។
ដែលបញ្ហាទាំងនេះបណ្ដាលមកពី៖
-ការអត់មានការងារធ្វើៈ ដោយបុគ្គលមួយចំនួន
រកការងារធ្វើមិនបាន ឃើញល្បែងស៊ីសងលេងទៅបានលុយច្រើនក៏ទៅលេង។
-ច្បាប់ធូររលុងៈ ច្បាប់មិនតឹងរឹង
ធ្វើឲ្យមានការបង្កើតកន្លែងលេងល្បែងស៊ីសងកាន់តែច្រើន
ដោយសារជនមួយចំនួនមិនគោរពច្បាប់ ខូចខិលជាមួយសមត្ថកិច្ច ធ្វើឲ្យច្បាប់ធូររលុង
(ខ្វះទំព័រ
២៩)
+ដំណោះស្រាយ
ជាងពីទស្សវត្ស
កន្លងមកនេះប្រទេសកម្ពុជាបានបន្សល់ទុកនូវវិបត្តិយ៉ងច្រើន ដោយសារតែសង្គ្រាមរ៉ាំរ៉ៃ
បានអូសបន្លាយរយៈពេលយូរ និងមានការផ្លាស់ប្ដូររបបជាច្រើនលើកច្រើនសារ ហើយនៅក្នុងវិបត្តិទាំងនោះ
វិបត្តិដែលលេចធ្លោក្នុងរយៈពេលប៉ុន្មានឆ្នាំចុងក្រោយនេះគឺបញ្ហាជួញដូរមនុស្ស
និងពេស្យាចារ ដែលភាគច្រើនស្ត្រី និងកុមារជាជនរងគ្រោះ។
ការជួញដូរមនុស្ស
ចាបផ្តើមកើតឡើងដោយសារ ការជ្រើសរើសមនុស្សឲ្យចូលរួមធ្វើការ
គឺអ្នកជួញដូរស្វែងរកជនរងគ្រោះ ហើយកុហកពួកគេ។ ជាញឹកញាប់អ្នកជួញដូរ
មើលទៅហាក់ដូចជាមនុស្សសាមញ្ញ ហើយជាស្ត្រីអ្នកជិតខាង មិត្តភក្តិ អ្នកស្គាល់គ្នា
មិត្តប្រុស សមាជិកក្នុងគ្រួសារ ឬជាបុគ្គលិកទីភ្នាក់ងារ ឬក្រុមហ៊ុនក្លែងក្លាយ។
បុគ្គលទាំងនេះសន្យាផ្ដល់ការងារល្អ ឬឱកាសសិក្សាដល់ជនរងគ្រោះ ថាពួកគេនឹងមានការងារធ្វើនៅក្នុងផ្ទះ
ដើរបង្ហាញម៉ូត ធ្វើការក្នុងឧស្សាហកម្មកម្សាន ឬជាអ្នករត់តុ ឬអ្នកចាក់ស្រានៅរង្គសាល។
ជាញឹកញាប់មេខ្យល់នឹងសន្យាជួយថ្លៃធ្វើដំណើរ ឬជួយផ្ដល់ឯកសារធ្វើដំណើរ។
មេខ្យល់នឹងនិយាយហូរហែរធ្វើឲ្យការសន្យារបស់ពួកគេហាក់ដូចជាស្របច្បាប់ និងពិតប្រាកដ
ដើម្បីទទួលបានការជឿជាក់ ពីអនាគតជនរងគ្រោះ។
ជនរងគ្រោះពីការជួញដូរអាចមកពីគ្រប់សាវតា
វណ្ណៈ ឬពូជសាសន៍។
ជាធម្មតាជនរងគ្រោះតែងប្រាថ្នាចង់បានជីវិតប្រសើរមួយសម្រាប់ខ្លួនគេ
និងគ្រួសាររបស់ពួកគេ ប៉ុន្តែខ្វះឱកាស ដើម្បីសម្រេចគោលបំណងនេះ។ ដោយសារតែមូលហេតុនេះ
ជនរងគ្រោះភាគច្រើននៅស្រុកស្រែជនបទដាច់ស្រយាល។
បុរសស្ត្រី
និងកុមារកម្ពុជា ត្រូវបានគេជួញដូរ ទៅប្រទេសថៃ ម៉ាឡេស៊ី ម៉ាកាវ និងតៃវ៉ាន់។ កម្ពុជាជាចំណុចឆ្លងកាត់មួយសម្រាប់ជនរងគ្រោះ
ដែលគេយកពីវៀតណាម ទៅថៃផងដែរ ហើយកម្ពុជាមានបណ្ដាញជួញដូរផ្ទៃក្នុងដ៏រឹងមាំ ដែលស្ត្រី
និងកុមារនៅកម្ពុជា ត្រូវគេជួញដូរពីតំបន់ជនបទទៅទីក្រុង
ដើម្បីធ្វើអាជីវកម្មផ្លូវភេទ។
បុគ្គលដែលត្រូវគេជួញដូរភាគច្រើនត្រូវគេនាំទៅទីក្រុងភ្នំពេញ សៀមរាប
និងក្រុងព្រះសីហនុ។ ហើយការជួញដូរបានរីកលូតលាស់ដោយសារតែការកើនឡើងនៃភាពក្រីក្រ
ទេសចរណ៍ កង្វះការអប់រំ ឱកាសការងារ ការហូរចូលនូវវីឌីអូអាសអាភាស
និងការផ្លាស់ប្តូរលំនៅដែលមានសុវត្ថិភាព និងអតុល្យភាពសង្គម សេដ្ឋកិច្ចរវាងតំបន់ជនបទ
និងទីក្រុង។ ផលប៉ះពាល់នៃមនុស្សផងដែរយុវវ័យកម្ពុជាកំពងតែយល់ឃើញថា
ពួកគេពិតជាពិបាករកការងារធ្វើ និងឱកាសរកប្រាក់ណាស់
ដែលនេះជាការជម្រុញឲ្យមានការជួញដូរមនុស្ស។ ហើយមួយវិញទៀត ទោះបីជាមាន
ការប្រឹងប្រែងពីសំណាក់រដ្ឋាភិបាលយ៉ាងណាក៏ដោយ
ក៏ពួកគេនៅតែមិនគោរពឲ្យបានពេញលេញនូវបទដ្ឋានអន្តរជាតិនៃការការពារនៅឡើយ។
គេជឿថាមន្ត្រីរដ្ឋាភិបាល និងមន្ត្រីប្រតិបត្តិច្បាប់មួយចំនួនបានទទួលសំណូក
ដើម្បីជួយសម្រួលដល់ការជួញដូរ។
ក្នុងនាមយើងខ្ញុំជាក្រុមនិស្សិត
ដើម្បីជួយខ្លួនឯង និងអ្នកដទៃ កុំឲ្យក្លាយជាជនរងគ្រោះនៃការជួញដូរនោះ
គឺតាមរយៈការប្រុងប្រយ័ត្នឲ្យខ្លាំងបំផុត យកចិត្តទុកដាក់
និងចំណាយពេលធ្វើការស៊ើបអង្កេតពីឱកាសដែលគេសន្យា។ ហើយជាមួយគ្នានេះផងដែរ
ក្នុងនាមយើងខ្ញុំជានិស្សិត តាំងនាមឲ្យប្រជាពលរដ្ឋ ព្រមទាំងកុមារី និងស្ត្រីរងគ្រោះកម្ពុជាទាំងអស់
សូមធ្វើការអំពាវនាវ និងសំណូមពរដល់រដ្ឋាភិបាល និងមន្ត្រីមានសមត្ថកិច្ច
សូមជួយចាត់វិធានការក្នុងការទប់ស្កាត់ និងលុបបំបាត់ការជួញដូរមនុស្ស និងពេស្យាចារ
ដោយអនុវត្តច្បាប់ ដើម្បីដាក់ទោសដល់ជនណាដែលធ្វើខុសនឹងច្បាប់
ឲ្យទទួលទោសទៅតាមមាត្រាដែលបានចែងនៅក្នុងច្បាប់ប្រឆាំងនឹងការជួញដូរមនុស្ស
និងការធ្វើអាជីវកម្មលើមនុស្ស។
ដើម្បីទប់ស្កាត់អំពើជួញដូរមនុស្សនៅក្នុងប្រទេសកម្ពុជាបាន
លុះត្រាតែមានការចូលរួមពីរដ្ឋាភិបាល អង្គការជាតិ និងអន្តរជាតិ
អាជ្ញាធរដែនដីគ្រប់លំដាប់ថ្នាក់ សហគមន៍ និងប្រជាពលរដ្ឋគ្រប់រូប ជាពិសេសគឺជនរងគ្រោះផ្ទាល់។
គ.
ក្មេងទំនើង
-គ្មានការទទួលខុសត្រូវពីឪពុកម្ដាយ
-វិស័យអប់រំធ្លាក់ចុះ
-ខ្វះជំនាញវិជ្ជាជីវៈ
-ច្បាប់ធូររលុង
និងភាពអសកម្មពីមន្ត្រីពាក់ពាន់
+ដំណោះស្រាយ
មូលដ្ឋាននៃសង្គមមនុស្សទាំងអស់
គឺជាទំនាក់ទំនង ដែលស្មុគស្មាញរវាងឪពុកនិងកូនតួនាទីរបស់ម្ដាយគឺការស្រឡាញ់
យកចិត្តទុកដាក់ និងការពារកូន សូម្បីតែម្ដាយត្រូវលះបង់អ្វីក៏ដោយ។
ឪពុកម្ដាយត្រូវទទួលខុសត្រូវចំពោះសុខមាលភាព
និងការចិញ្ចឹមបីបាច់អប់រំកូន។ ប្រសិនបើពួកគេធំធាត់ឡើងជពលរដ្ឋដែលមាន កម្លាំងពលំ
មានសុខភាពល្អ និងមានប្រយោជន៍សម្រាប់សង្គមជាតិ គឺជាលទ្ធផលព្យាយាមរបស់ឪពុកម្ដាយ។
ប៉ុន្តែបើពួកគេធំធាត់ឡើងជាមនុស្សពាល ជាមេរោគសង្គម អ្នកហៅថាក្មេងទំនើងវិញ
គឺឪពុកម្ដាយត្រូវទទួលខុសត្រូវ ព្រោះវាជាតួនាទីដឹកនាំកូនៗទៅរកផ្លូវត្រូវ។
ហើយនៅក្នុងវ័យដែលងាយទទួលឥទ្ធិពលពីបរិ
ស្ថានជុំវិញ កូនៗត្រូវការនូវសេចក្តីស្រឡាញ់
ថ្នាក់ថ្នម និងយកចិត្តទុកដាក់របស់ឪពុកម្ដាយ។ ប៉ុន្តែទោះជាយ៉ាងណាក្ដី
ការស្រោចស្រពនៃសេចក្តីស្រឡាញ់ ការព្រួយបារម្ភ
និងការយកចិត្តទុកដាក់ពីឪពុកម្ដាយចំពោះកូនតែងតែកើតមាន។ ប៉ុន្តែជាអកុសល
ឪពុកម្ដាយបច្ចុប្បន្ននេះ ខ្វះខាតយ៉ាងខ្លាំង ដោយសារតែពួកគាត់ជាប់រវល់ធ្វើការ
ក្នុងការិយាល័យ ក្នុងក្រុមហ៊ុន ហាង ឬការងារផ្សេងទៀតពេញមួយថ្ងៃ
ហើយការងារខ្លះគ្មានថ្ងៃអាទិត្យ ដែលជាមូលហេតុបណ្ដាលឲ្យឪពុកម្ដាយ
និងកូនមានពេលវេលាតិចតួចដើម្បីអប់រំ និងផ្ដល់ភាពកក់ក្ដៅ និងភាពជិតស្និទទៅវិញទៅមក
ហើយដោយគ្មានពេលវេលាដើម្បីកូន ព្រមទាំងខ្វះខាតការយកចិត្តទុកដាក់
ការខិតខំព្យាយាមលួងលោមកូន ដោយសម្ភារៈតាមតម្រូវការរបស់កូន
សកម្មភាពបែបនេះធ្វើឲ្យក្មេងខូច ហើយកត្តាអប់រំជាកត្តាចំបងមួយផងដែរ
ដែលផ្ដល់់វិភាគទានដល់ការកាត់បន្ថយភាពក្រីក្រ និងបញ្ហាសីលធម៌របស់យុវជនមួយចំនួន។
ហើយនៅរយៈពេលវែងធានាថាកុមារនិងយុវជនខ្មែរទាំងអស់គឺមានឱកាសស្មើគ្នាក្នុងការទទួលបានការអប់រំ
ប្រកបដោយគុណភាព
ដោយពុំគិតពីឋានៈក្នុងសង្គម តំបន់ភូមិសាស្ត្រ
ជនជាតិ សាសនា ភាសា ភេទ ឬភាពពិការឡើយ។ តួនាទីអប់រំ គឺដើម្បីលើកកម្ពស់គុណភាពសិស្ស
និស្សិត ដើម្បីក្លាយខ្លួនជាអ្នកមានប្រយោជន៍ និងការរស់នៅប្រកបដោយភាពសុខដុមរមនានៅក្នុងសង្គម
ប៉ុន្តែទោះជាយ៉ាងណាក៏ដោយ ក៏បញ្ហាប្រឈមនៅកើតមានឡើងនៅឡើយ ដូចជា បញ្ហាសិស្សគេចសាលា
សិស្សមិនមានសីលធម៌ចំពោះគ្រូ បញ្ហាពុករលួយក្នុងថ្នាក់។
ដូចនេះដើម្បីជំរុញវិស័យអប់រំឲ្យមានការរីកចម្រើន និងសមធម៌ ជាពិសេសក្មេងក្រីក្រ
ហើយត្រូវអភិវឌ្ឍបន្ថែមទៀតក្នុងវិស័យអប់រំយុវជននិងកីឡា ដោយបង្កើនការយកចិត្តទុកដាក់
ចំពោះយុវជនក្នុងគ្រប់មុខជំនាញ។
បច្ចុប្បន្នការបណ្ដុះបណ្ដាលវិជ្ជាជីវៈក្នុងប្រទេសកម្ពុជា
មានអត្រាអត់ការងារធ្វើខ្ពស់ ដែលជាការគួរឲ្យព្រួយបារម្ភ ចំពោះរដ្ឋាភិបាល។ កត្តានេះហើយដែលជាហេតុនាំឲ្យអ្នកអត់ការងារធ្វើបែកគនិត
ពិសេសយុវជនទៅធ្វើអ្វីដែលសង្គមមិនទទួលស្គាល់ ដូចពួកក្មេងហិតកាវ ញៀនថ្នាំ
ក្មេងទំនើង និងការជួញដូរផ្លូវភេទ លួច ឆក់ ប្លន់ជាដើម។
យើងបានដឹងរួចមកហើយថា
ក្មេងទំនើងជាក្មេងឈាមរាវ ដែលចង់ដឹង ចង់ស្គាល់ ចង់យល់នូវអ្វីៗទាំងអស់។
កត្តាទាំងនេះជាមូលហេតុចំបងដែលនាំឲ្យពួកគេប្រព្រឹត្តិអំពើ អសីលធម៌ ល្មើសនឹងច្បាប់
ដែលនាំមកនូវក្ដីអន្តរាយ ដ៏ធំដល់ខ្លួនឯង គ្រួសារ និងសង្គមដែល ពួកគេរស់នៅ
និងជះឥទ្ធិពលដល់ប្រទេសទាំងមូល។ លើសពីនេះទៅទៀតក្មេងទំនើងបានបង្កបញ្ហា អសន្តិសុខ
ការបាកើបែកគ្នា ការកាប់សម្លាប់គ្នា។ ហើយគោលបំណងខ្ពស់បំផុតរបស់មនុស្សគ្រប់រូប
គឺការរស់នៅប្រកបដោយអំណរសប្បាយ ពោលគឺសុភមង្គលដែលមិនចេះ
សាបសូន្យនៅក្នុងជីវិត
ហើយមនុស្សតែងតែព្យាយាមគ្រប់មធ្យោបាយនៅក្នុងជីវិត ដើម្បីសម្រេចបានគោលបំណងនេះ។
សរុបសេចក្ដីមក
យើងពិតជាទទួលបាន នូវគោលបំណងដ៏ខ្ពស់បំផុតរបស់យើង គឺសុភមង្គលពិត
ដោយរួមគ្នាកម្ចាត់នូវរាល់អំពើអាក្រក់ទាំងឡាយរបស់ក្មេងទំនើង កុំឲ្យកើតមានឡើងទៀត ។
ដូចសុភាសិតខ្មែរមួយពោលថា«យុវជនជាទំពាំងស្នងឫស្សី» ដូចនេះប្រទេសជាតិក៏អញ្ចឹងដែរ
មានក្មេងល្អនាំឲ្យមានមនុស្សល្អ មានមនុស្សល្អនោះសង្គមល្អ មានសង្គមល្អ
នោះជាតិទាំងមូលក៏ល្អ ដោយសារអស់ក្មេងទំនើង។
៣.បញ្ហាដែលបណ្ដាលឲ្យកើតមានចោរកម្ម
-គ្មានការងារធ្វើ
-ញៀនថ្នាំ និងគ្រឿងស្រវឹង
-លេងល្បែងស៊ីសង
-ច្បាប់ធូររលុង
និងភាពអសកម្មរបស់មន្ត្រីពាក់ព័ន្ធ
-អវិជ្ជា
+ដំណោះស្រាយ
នៅប្រទេសកម្ពុជាយើងសព្វថ្ងៃ
បញ្ហាចោរកម្មបានកើតឡើងជារៀងរាល់ថ្ងៃ ហើយមាននៅគ្រប់ទីកន្លែង មិនថានៅទីប្រជុំជន
ឬនៅតាមជនបទទេ បញ្ហាចោរកម្មនេះកើតឡើងហូរហែ
ហើយវាក៏ធ្វើឲ្យប៉ះពាល់ដល់ការរស់នៅរបស់ប្រជាជនគ្រប់ស្រទាប់វណ្ណៈទាំងអស់។
បញ្ហាចោរកម្មនេះ កើតមានឡើង ក៏បណ្ដាលមកពី៖
-ភាពគ្មានការងារធ្វើ
ដូចដែលយើងបានដឹងហើយថា នៅពេលយើងគ្មានការងារធ្វើ យើងជួបបញ្ហាអ្វីខ្លះដល់ខ្លួន
អញ្ចឹងហើយទើបពួកទាំងនោះមិនដឹងថាទៅប្រកបកិច្ចការអ្វីនោះធ្វើឲ្យភាពទាល់ក្របានកើតមានឡើង
ហើយបញ្ហាខ្វះប្រាក់ គឺធ្វើឲ្យមនុស្សមួយចំនួនតូចប្រព្រឹត្តិអំពើឆក់ ប្លន់
ដើម្បីបានប្រាក់សម្រាប់ចិញ្ចឹមជីវិត។
-ញៀនថ្នាំ សេពគ្រឿងស្រវឹង
នោះក៏ជាបញ្ហាបណ្ដាលឲ្យមនុស្សហ៊ានធ្វើអំពើចោរកម្មដែរ ហើយហ៊ានប្រព្រឹត្តិអំពើដែលគេស្អប់ខ្ពើមតៀតផង។
ប្រសិនបើបុគ្គលបានជ្រុលខ្លួនញៀនថ្នាំហើយ
ធ្វើឲ្យបុគ្គលនោះហ៊ានធ្វើអ្វីៗគ្រប់បែបយ៉ាងតាមតែខ្លួនចង់ធ្វើ ដូចជាការលួចឆក់
ប្លន់ដែលជាអំពើខុសច្បាប់ទាំងស្រុង ដែលសង្គមកំពុងស្អប់ខ្ពើម មិនចូលចិត្ត។
ការបង្កើតល្បែងស៊ីសង
ក៏ជាហេតុធ្វើឲ្យមនុស្សធ្លាក់ខ្លួនក្នុងការប្រព្រឹត្តិចោរកម្មដែរ ព្រោះថា
បើមនុស្សនោះលេងល្បែងស៊ីសងចាញ់អស់ គេនឹងលក់ដីស្រែចំការអស់ ទីបំផុតគ្មាន
ផ្លូវដើរ ក៏អាចធ្វើចោរលួច ឆក់ ប្លន់
ពីអ្នកដទៃ ហើយក៏ធ្វើឲ្យគេស្អប់ខ្ពើមខ្លួន ដោយសារតែអំពើខុសច្បាប់ នេះហើយធ្វើឲ្យមនុស្សមានបញ្ហាចោរកម្ម
ជារឿយៗ។
ភាពអសកម្មរបស់មន្ត្រីពាក់ព័ន្ធ
អំពើពុករលួយរបស់តុលាការ គឺពាក់ព័ន្ធយ៉ាងសំខាន់
ផ្ដើមចេញពីភាពអសកម្មរបស់ជនខិលខូចដែលធ្វើសម្រចសេចក្តី ហើយនៅពេលដែលជនខិលខូច
បានធ្វើអំពើចោរកម្ម គេពុំឃើញមានមន្ត្រីដែលមានសមត្ថភាពណា មកជួយធ្វើអន្តរាគមន៍ទេ។
ទាក់ទងនឹងភាពអវិជ្ជា
ល្ងង់ខ្លៅ ដោយសារតែភាពអវិជ្ជានេះហើយ ទើបធ្វើឲ្យបុគ្គលមួយចំនួន មានអំពើលួចឆក់
ប្លន់ ដើម្បីយកមកដោះស្រាយនូវជីវភាពរស់នៅប្រចាំថ្ងៃរបស់ខ្លួន
និងដោយសារតែភាពល្ងង់ខ្លៅនេះហើយ
ទើបធ្វើឲ្យជនខិលខូចមួយចំនួនបានអូសទាញខ្លួនឲ្យទៅដូចពួកគេដែរ។
ដូចនេះក្នុងនាមយើងជានិស្សិត
ដើម្បីបញ្ឈបើអំពើចោរកម្មនេះ គឺត្រូវសិក្សារៀនសូត្រឲ្យបានខ្ពង់ខ្ពស់
និងយកចិត្តទុកដាក់ចំពោះប្រជាពលរដ្ឋ......................................។
No comments:
Post a Comment